2018 مستخدم قير اوتماتيك بنزين الممشى: 395 ألف كيلو أو أكثر اعرض لكم ازيرا 2018 اللون كحلي ممشاها 395 الف المواصفات فيها الكثير من المواصفات المعروفه لاكن ابرزها هي الماكينه6 سلندر بحجم 3.0 والقير اوتوماتيك 6 نمر فتحه سقف بانوراما حساسات خلفيه كاميرا خلفيه وشاشه تدعم كار بلاي و اندرويد اوتو مفتاح وليس بصمه الراغب في رؤيه السياره الموقع حي الروابي شرق الرياض مخرج 14 السياره مالك اجنبي واستخدام حشمه من اخوي مسبقا ثم انا بعده لمده 6 سنوات وامورها طيبه ولا فيها اشكال لاكن فيها بعض الملاحظات الي راح اذكرها البدي فيه تبهيت في الشنطه والكبوت الايرباق طالع بسبب حادث مع المالك القديم ضربه بالشاصي من المقدمه لاتوثر على الاستخدام وشرط ماتسبب حذفيه او اي مشاكل القير مافيه ولا ملاحظه ولا نتعه اموره طيبه وملتزم في تغيير زيت القير لاكن فيه فك سابق في الجرم وشرط انه بدون اي توضيب المكينه ممسوحه راس مسبقا بسبب رفع حراره عيب مصنعي معروف في فيش مروحه التبريد المسح صارله فتره واموره طيبه وعلى اثره غيرت الكثير من القطع مثل المروحه والفيش وغطا الرديتر ومويه الرديتر كامله بمويه اصليه مع الغاء مكيف الحار وتغيير كرسي الماكينه بكرسي جديد و تغيير بكره السير مع السير وتصفيه ماكينه من بواجي وكويلاات وتنظيف بوابه مع حساسات لضمان افضل نتيجه للمسح السياره جدا طيبه للمستخدم يوميا اداوم عليها واروح واجي والمكيف صينته كامل وكلفني مبلغ غيرتله رديتر وكمبرسر وليات وحساس وسويت تنظيف دوره والمكيف حاليا ثلاجه شرط لايشكو من اي شي هذا العلم الي عندي وان شاء الله اني مانسيت شي او قصرت في شي البيع 28000 و ان شاء الله وماراح اقصر مع الصامل اذا تعطيني سومه بدون لاتجي تشوف بعينك سومتك ما احتاجها السوم فقط للصامل الي يجي ويشوف الموتر