2011 مستخدم قير عادي بنزين الممشى: 91 ألف كيلو السلام عليكم ورحمة الله وبركاته شباب انا فاعل خير وفاحص الموتر هذا ولا ابي احد ينغش فيه حكم انه رفض يعطيني اوراق الفحص الي دافع فيها من فلوسي وحقي اخذ اوراق الفحص بس دام انه رفض قلت بخليها لوجه الله وخلي الناس تستفيد ولا تتخسر وتتعنى على غير فايده والموتر على كلام راعي شرط شاصي ومحركات يوم جيت السيارة طلع غير كلام الرجال الموتر فيه ونه بالقير والدفرنس وفيه صدمه من ورا واصله لحوض السبير والشاصي اليسار خلفي متضرر والسياره بعد الفحص طلع فيها اشياء كثير ومنها اكواد حساس الكام والرجال يحلف انهم مبدلهم ومعى هذا للحين الكمبويتر يقرا انه فيه مشكله في حساسات قرايت توقيت الكام على كذا المشكلة من حساس الفاينوس الداخلي الي يقرا توقيت الكام والموتر عزمه ضعيف وفيه كتمه والمشكله من الفاينوس والرجال م ذكر لي الكتمه والاشياء الي فيه وهاذي مكلفه وحساس الفاينوس الواحد قيمته 950 ومن غير شغل اليد والمكيف انا صلحته من حسابي الخاص على اساس بعد التصليح يعطيني حق المكيف ولا عطاني وبعد الفحص طلع المكيف ضعيف ويحتاج كمبريسر جديد وهو قايل لي ثلج مافيه شي ومن غير الاشياء المذكوره من شيال عمود ومن كرسي قير ومن صوفة مكينه الاماميه وصوفة الي بين القير والمكينة وداير القير مفكوك وكرتير المكينه مفكوك وثلاجة المكينه مفكوكه ومن غير جلب المقصات الخلفيه والأمامية ومن غير أنّ المكينة مبدله وممشى السيارة قليل 91 الف ميل انا رجال م ابي اكون سبب في قطع رزق الرجال لاكن الي غشنا فليس مننا وانا رجال متعني له وماسك خط وجايه لحد مكانه وبعد كل هذا الرجال قلت له ابي حق تصليح المكيف رفض ويتكلم بسلوب مهو كويس وبعده حظرني من عنده وقلت انبهكم وحذركم عشان م يصير لكم الي صار لي والناس فلوسها مهي محصلتها طايحه بشارع اخذ من وقتي وطلع الرجال لهو صادق بكلامه وأسلوبه مهو كويس معى هذا لي ولكم كامل الاحترام والتقدير وشكراً 🤍.