2020 مستخدم قير اوتماتيك بنزين الممشى: 146 ألف كيلو السلام عليكم للبيع هونداي اكسنت 2020، فئة GL، مكينة 1.4، اوتوماتيك، بنزين، لونها فضي. أهم شي أبيه يكون واضح من البداية: السيارة عليها حادث أمامي صار في يوليو 2021 بأبها، قبل ما أشتريها بـ 4 شهور. البائع حلف لي إنها ما صار لها شي، وفحصتها وقتها والمركز قال لي عليها حادث بسيط لايذكر. لكن حالتها ممتازه وكنت جديد في المملكة، وما كنت أعرف عن تقرير موجز. ما عرفت عن الحادث إلا أمس، لما طلعت التقرير، وأرفقته كامل في الصور مع صورة الحادث للمصداقية. ‎ من يوم ما شريتها (نوفمبر2021): * ما صار عليها أي حادث، معي الحمدلله ولا سويت فيها رش ولا سمكرة * سافرت فيها الرياض ودبي والبحرين، اكثر من مره وما واجهت فيها أي مشكلة * استخدامي لها كان استخدام حشمة * العداد سليم ومطابق للتقرير، وماشية 146 ألف ‎ اللي تغير فيها قريب: * الكفرات الأربع جديدة: الخلفية لها 20 يوم، والأمامية لها شهرين * البطارية لها 3 شهور * صيانة للرديتر وتغيير المروحة * الزيت باقي ما خلص ‎ الداخلية: نظيفة. الأرضية ملبسة من يوم شريتها، والكراسي والطارة وعصا القير والهاندبريك كانت مغلفة. فيها مكيف خلفي، وبلوتوث، ومدخل USB وAUX، وأزرار تحكم في الطارة. ‎ الملاحظات: * خدوش في الصدام الأمامي والخلفي، وتقشر بسيط في مقدمة الكبوت، وحكة تحت باب السواق * فرق بسيط بين باب السواق والرفرف، صار لما طاحت من الرافعة وأنا أغير كفر * صوت خفيف مره على المطبات، ويمكن يحتاج تشحيم كل شيء واضح في الصور الأوراق: الفحص ساري لين 2027، والاستمارة لين 2029، وجاهزة للنقل. البيع على السوم، والفحص من حقك قبل ما يطلع التقرير، امس وصل سومها 29 ألف. والحين أكيد سعرها بينزل بسبب الحادث، وهذا حق المشتري وأنا فاهم هذا. ويشهد الله إني ما كنت أدري عنه، لأنه صار قبل ما أشتريها، والله يعوضنا خير السيارة في الجبيل، والتواصل واتساب أو رسائل حراج.