-
*للبـيع دركسون PXN V9 الاحترافي - حق التفحيط والهجولة والدرفت*
بسم الله الرحمن الرحيم
اعرض لكم دركسون PXN V9 V2 المطور
*1 - ايش هو الدركسون هذا؟*
هذا دركسون العاب يحول لعبتك من يد عادية الى طارة سيارة حقيقية، تحس انك تسوق سيارة من جد، مخصص لألعاب السيارات مثل قراند 5، فورزا هورايزن 5، اسيتو كورسا، قراند الحياة الواقعية، Need For Speed، The Crew
*2 - على ايش يشتغل؟*
يشتغل على 4 اجهزة:
- سوني بليستيشن 4 (بشرط يكون عندك يد اصلية تشبكها كـ وسيط)
- سوني بليستيشن 3
- اكس بوكس ون / اكس بوكس سيريس
- البي سي - كمبيوتر ويندوز 7 / 10 / 11
*3 - مواصفات الدركسون بالتفصيل:*
- قطر الطارة: 28 سم - حجم كبير ومريح
- دوران كامل: 900 درجة يعني لفتين ونص زي السيارة الحقيقية وتقدر تغيره لـ 270 درجة من الزر للي يبيه خفيف
- دواسات: 3 دواسات معدنية - بنزين - فرامل - كلتش حق القير العادي
- قير: يجي معه قيرين في واحد - تقدر تلعب قير عادي H فيه 6 سرعات وريوس، وتقدر تحوله اوتوماتيك
- شفترات: فيه شفترات خلف الطارة زي سيارات السباق
- هزاز: فيه موتورين فايبريشن يهز مع المطبات والتفحيط
- ازرار: كل ازرار اليد موجودة في الطارة L1 L2 R1 R2 مثلث مربع اكس دائرة
- قاعدة تثبيت: يجي معه مشدات تمسكه في الطاولة بقوة ما يتحرك
*4 - حالة الدركسون اللي عندي:*
الدركسون بشكل عام نظيف وما فيه كسور والطارة نظيفة وما فيها تقشير، استعمالي له خفيف جداً حق هجولة
*5 - العيوب للأمانة والله على ما اقول شهيد:*
- يوجد فيه *شوشره* خفيفة تطلع من السماعة احياناً، صوت وش خفيف ما يأثر على اللعب
- *يعلق بعض الاحيان* يعني وانت تلعب فجأة الطارة ما تستجيب ثانيتين وتحتاج تشيل السلك حق اليد الاصلية وترجعه ويشتغل طبيعي، يعلق كل ساعة تقريباً مرة
- جلدة عصا القير الخارجية ضايعة، العصا نفسها حديد وشغالة بس الجلدة اللي فوق ضاعت وهاذا مياثر على اداء القير
- على سوني 4 لازم تشبك يد اصلية
*6 - ليش تاخذه؟*
سعره جديد في نون وامازون 499 ريال بدون ضمان، هذا تاخذه بنص السعر وتفحط فيه وتتعلم عليه، حتى لو ما تبي تصلحه دواساته وقيره لحالهم ينباعون بـ 150 ريال
*7 - السعر والموقع:*
السعر المطلوب: *230 ريال* وفيه مجال بسيط للصامل
الموقع: *الطائف - حي الحوية - التسليم يد بيد*
*تنبيه: ما يوجد شحن نهائياً*
التواصل واتس اب فقط وما ارد على اتصال
الله يرزقنا واياكم
