السلام عليكم ورحمة الله وبركاته، قط صغير للتبني. العمر: 3 شهور تقريبًا. الجنس: ذكر. اللون: أبيض، وعيونه مختلفة الألوان (أزرق وأخضر). الشخصية: حنون ولعوب جدًا، ولصقة، ما يحب يبعد عنك. حالته الصحية: * تم فحصه، وصحته ووزنه كويسين ولله الحمد. * يعاني من التهاب في عينه، وقاعد يتحسن ولله الحمد بفضل الله ثم العلاج. * عنده حشرات بأذنه، وقاعد يتحسن مع العلاج الخاص فيه. * أخذ إبرة فيروس. * غير مطعّم. المشاكل الصحية المذكورة أعلاه هي المشاكل الموجودة عنده حاليًا، وبإذن الله فترة علاجه ما راح تأخذ وقت. الأغراض والعلاجات اللي معاه: * تراب للتر بوكس. (بدون الصندوق فقط تراب) * كيلو أكل خاص بالكيتنز (القطط الصغيرة). * مرهم لعلاج التهاب العين. * علاج للأذن. الموقع: بقيق، وللأسف ما عندي إمكانية للتوصيل. التواصل عن طريق فقط(( رقم الجوال يظهر عند الضغط على زر تواصل ) )، ويُرجى عدم الاتصال. ⸻ أتمنى مخافة الله في هذي الروح الضعيفة. ما ياخذه إلا شخص ذو خبرة، وسبق له التعامل مع القطط، بالذات القطط اللي بمثل هذي الحالة، ويكون مستعد يعالجه ويهتم فيه، ولنا وله الأجر بإذن الله. ( بحاول اشرح طريقة العلاج للصامل بحول الله وهي جدا بسيطة ) القط أمانة في رقبتك، ولا أسمح برميه أو التخلي عنه. وفي حال حدوث أي ظرف يمنعك من الاستمرار في رعايته، تواصل معي، وبإذن الله نجد له شخصًا يهتم فيه. أتمنى من كل قلبي إنك ترسل لي كل فترة تحديثات وصور عنه عشان أتطمن عليه. ووالله لولا ظروف الدوام والسكن، ما تخليت عنه لحظة. ختامًا، أتمنى من كل قلبي إنه يروح للشخص الصح، اللي يحتضنه بكل حب، ويهتم فيه، ويكون قد المسؤولية والأمانة.