شريت من ابو عبدالله بكره طيبه رجال سمح وخلوق الله يبارك له في حلاله انصح باتعامل معه
شريت من ابوعبدالله ثلاث بكار طيبات بلحيل وقعود اطيب رجل في قمه الاخلاق وتعامله صادق وامانه وعروضه طيبه
ابو عبد الله عروضه طيبه و سمح ويستاهل كل خير الله يرزق الجميع
السلام عليكم شريت من ابو عبدالله قعود كفو وعسى الله يباركله حولت له قروشه وانا ماشفت القعود وصل القعود وصار مثل ماذكر وانصح بالتعامل معه
ثاني تعامل معه والشخص كلامه واقعي وصريح ويعطيك كامل المعلومات في السلعه الي تاخذها منه ورجال مايجامل والله يرزقه
ونعم الرجل تعاملت معه لي اكثر من سنتين رجل صادق وجميع مايعرضه نظيف ومختلف عن البقيه
الله يطول في عمره وسلعته مبروكه شريت منه بكره وكان في قمة الأخلاق والتعامل
شريت من ابو عبدالله ناقه وجتني من كلامه واطيب اللهم لك الحمد والشكر رجل صادق الله يكثر من أمثاله
شريت من ابو عبدالله اكثر من مره وشهادة حق جاتني على كلامه واطيب ورجل راعي ذمه وصدق الله يكثر من امثاله. اخوك ابو ناصر الاكلبي
انا شريت تعاملت معه مرتين واشهد ان ابوعبدالله ولا اعرفه الا من خلال موقع حراج واتشرف في معرفة الرجال شرواه امانه وصدق وحسن تعامل والبكاو طلعت مثل الوصف وزود
الله يبارك فيك يا ابو عبد الله ويرزقك رجال صادق في التعامل ويخاف الله شريت منه بكار ورسلها لي وطلعت مثل ماقال وازين وأنصح بالتعامل معه
الله يبارك لك ويرزقك انا شريت من ابوعبدالله ولا اعرفه الا من خلال موقع حراج واتشرف في معرفة الرجال شرواه امانه وصدق وحسن تعامل والنياق طلعت مثل الوصف وزود
بيض الله وجهك ابو عبدالله فعلك طيب ماقصرت
أبو عبدالله الله يجزاه بالخير تعاملت معه ثلاث مرات ولا شفت ألا كل علم غانم صدق وشفافية وسماحة بركة ونصح. السلعة اللي يذكرها تجي أطيب من ذكره. هذا اللي شفته والله من فوقنا شاهد.
والله والف نعم ببوعبدالله رجال كفوا وكلمته سيف شريت منه ابل مرتين عن طريق الموقع وحولت له الفلوس وارسلي البل وجتني اطيب من وصفه ولافيها اي عذروب وسلعته مبروكه شهاده حق يسألني عنها الله .
يولد انت شاري اناقه اصفرا لي انت حذفته انت شاريه من الطوقي صح انا واقف عليه
ابو عبدالله رجل صادق وراعي ذمة وراعي نضر واذا وصف الناقة او صور ما يطففها ويزود في وصفها وشريت منه بكرتين وحفضها عنده اسبوع وكنها عندي جزاه الله خير
ابوعبدالله مبروك وسلعته مبروكه وسمح في البيع شريت منه اكثر من 3 مرات وكلها على كلامه واطيب وانصح بالتعامل معه الله يوفقه ويرزقه
الله يكثر من امثالك وافي يا ابو عبدالله وانصح بالتعامل معك كل من قابلتهم .
ابو عبدالله ونعم الرجل انسان صادق وسلعته مبروكه واخلاقه عاليه
ونعم في ابو عبدالله شريت القحات وسلعته مبركه رجال صادق في كلامها وصح ب تعامل معه
ونعم الرجل أبوعبدالله شريت خلفه صفراء منه وطلعت أطيب من اللي قال وافي جزاه الله خيرا
نعم الرجال صدق وامانة ولا ازكية على الله وكل ماذكر بخصوص القحة شفته بعيني
راعي ذمه وصحيح و واضح جدا جدا وهذا مايعلم به الله
شريت من ابو عبدالله خلفات ثنتين وضح وانا من المدينه المنوره ولاعرفه ولاشي بس يشهد الله ونعم الرجل والصدق والاخلاق والثقه وطلع كلامه احسن من الي قال لي وهاذي شهاده حق اقولها له ورجال يستاهل ونعم فيه وانصح التعامل معه من تجربه معه
شريت من ابوعبدالله خلفه وعشرى وطلعت على كلامه جزاه الله خير
اشتريت من ابوعبدالله القحتين ولقيتها على كلامه الله يبيض وجه ونصح بالتعامل معه
اشتريت من ابو عبدالله حواره رمانيه عمر ست شهور على التلفون ومقاطع الفديو فقط وكانت طيبه وخاليه من وانصح بالتعامل معه بيض الله وجهه وكثر الله من امثاله
يعلم الله انه من افضل الاشخاص اللي تعاملت اشتريت منه اكثر من خمس مرات وصدق في كل شي
ونعم الرجل صدق ومانه وسماحه اشتريت منه ثلاث نياق وبكارهن وحولت المبلغ قبل اقابله وكان نعم الرجل الله يبارك له بعياله وحلاله ويحفظه ابو سامي العنزي
اشهد بالله اني شريت منه وجاء مشتراي اطيب من كلامه واطيب من التصوير واطيب من المتوقع واشهد بالله انه نصيح وسمح وصادق ولا ازكيه على الله ولكن هذا ماشفت منه وبختصار مشتراي منه اقسم بالله اني شوره وسفطانه لي المشترى معروف في بطني مادمت على قيد الحياه مع العلم مابيني وبينه لا علاقه ولا معرفه ولا وسيط ولا سابق تواصل والله على ما اقول شهيد
ونعم ابو عبدالله رجال كفو وصادق وامين شريت من عنده كذا مره ولا اجي اشوفها يرسلها علي وتجي نفس الكلام ورجال هذا ثقه. وشربت اليوم من عنده خلفه وبعتها في مراحه بمكسب وسلعتة مبروكة. ورجال سمح في البيع ويصفط. وانصح التعامل معه.
عزالله اني اليوم شاري من ابوعبدالله ثالث شريه وكلهن مبروكات ولله الحمد شريت وبعت بمراحه بنفس الوقت صراحه كلمة شكرا ما تكفيك يا ابوعبدالله وكثر الله من امثالك اخوك ابوانس
ابوعبدالله ونعم الرجل الصادق الامين الوافي وسلعته مبروكه ورجل سمح وبيعه سمح انا تعاملت معه عن طريق الجوال وماشفت منه غير بياض الوجه شهادة حق يسألني فيها رب السموات والارض
نعم اشتريت من ابو عبدالله جمل فحل منتج وجيته وشفت انتاجه ونفس ماذكر واطيب بارك الله لنا وله وجميع مسلم ونعم باالعتيبي عزاالله علم غانم ووجه رجال والشي ذمه وكلن يعد ماواجه انصح باالتعامل معه
ابوعبدالله كفو وسلعته طيبه واسعاره ممتازه وثقه
هذا الرجل كفو ومثله في الرجال قليل صادق وسلعته طيبه نسأل الله له التوفيق....ابو فارس
شريت من ابو عبد الله ناقه شفتها بالفديو ومن خلال كلامه عنها وارسلها لي ويالفعل صارت مثل صورتها بالفديو واحسن من كلامه وتعامله راقي وبيعه سمح سمح الله له امره ووفقه
ابو عبدالله ونعم الرجل اشتريت منه قعود وكلامه في محله بيض الله ووجه ووجه من يقرا
كفو وعزالله اني تعاملت معك وبيض الله وجهك يابو عبدالله سلعتك نفس وصفك
شريت عن طريق ابو عبدالله عشرا وبعتها في مراحه بمكسب طيب وانا ماشلتها وشاريها على الفديو وانصح بالتعامل معه الله يرزقنا وياه الرزق الحلال
ابو عبدالله ونعم ونعم ونعم ونعم ونعم الرجل شريت منه لقحه عن طريق الجوال وارسلها لي ونفس ماذكر واطيب
شريت عدد 2خلفات رجل صادق في تعامله وتصويره للحلال وانصح بتعامل معه
كفو وسلعته مبروكه وشريت منه ناقه قبل كم يوم ووصلت نفس شكلها واطيب
نعم التعامل والله شريت منه ناقه وحولت علاه الفلوس وارسلها لي ومثل ماقال وافضل وانا والله مأعرفه الا بالتلفون بيض الله وجهه والله على مأقول شهيد
ونعم باابوعبدالله رجل كله ثقه ومصداقية شريت منه وجتني كما قالها لي وأني أنصح بتعامل معه
ونعم الرجل شريت منه ناقه ورسلهالي وجتني مثل ماقال الله يبارك له رجل عنده ذمه ومصداقيه فالبيع ونصح بالتعامل معه ابومشاري المطيري
ونعم الرجل ونعم الاخلاق شريت منه قعود البيع السمح وبيض الله وجه والله يكثر من امثاله اخوك نايف القحطاني
رجل شريت من عنده ولا ندمت ولله الحمد والله نعم بالرجل وانصح الجميع بالتعالم مع ابو عبدالله❤
أنصحكم بتعامل مع ابو عبد الله شريت منه وكسبت ولله الحمد والله يوفقنا وياه
لقد شريت منه ناقه وبعت عليه ورجال سمح وسلعته مبروكه والله يرزقه من واسع فضله
ونعم الرجل شريت منه نياق على التلفون والله ماشفتهن بس صور في الجوال وحولت له الفلوس وارسلي النياق نفس الصور بيض الله وجه مصداقيه وحسن تعامل
انصح بالتعامل مع ابو عبدالله شريت منه ناقه ع كلامه وجاني مكسب وهي عنده وعلمني الرجال ولا بعت وجتني الناقه من كلامه واطيب والله يوفقه ويرزقنا حنا وياكم
شريت منه خلفه بيض الله وجهه وجات ع وصفه الله يرحم والديه ويكثر من امثاله
نعم شريت عن طريق ابو عبدالله ناقه وانا ماشفتها إلا عن طريق الواتساب وبعد ماحولت الفلوس تقريبا بساعه دق علي وقال تبي مكسب في الناقه فيه رجال بيكسبك وبعتها بمكسب وانا مشفتها ويشهد الله على كلامي والله يجزاه خير ويكثر من أمثاله اخوكم ابو محمد الدوسري
يشهد الله اني شاري اربع خلفات ولقحه من ابو عبدالله وكلها مبروكات الحمدالله ومالمست الا صدق التعامل والوضوح والسماحه الله يبارك لك بعيالك ومالك يابو عبدالله
الناس اشهود الله في ارضه شريت منه خلفتين عن طريق الجوال والكلام وعزالله وصلن لي نفس الوصف المذكور واطيب شهادة حق
الاخ ابوعبدالله ماقصر استقبال كريم وبشاشة خلق شريت منه قعود وجيته محله وربحني فيه انصح التعامل معاه رجل في قمة الاحترام والصدق
شريت خلفه كفو على وصفه بيض الله وجهه وتعامله طيب وعلمه طيب وانصح التعامل معه
الله يبيض وجه ابو عبدالله شريت منه خلفه ونفس ماقال واطيب
ابوعبدالله شريت منه خلفه ولقحة ويشهد الله انه سمح في البيع وصدق في وصف البل وعزالله اني شريت وحولت الدراهم وانا كلي ثقه فيه وان شاء الله انها ماهيب الاوله ولا الاخيرة اللي باخذ منه وحتى راعي الدنه اللي جابه كان حريص في نقلها ووصولها باسرع وقت
شريت من ابو عبدالله خلفه وانا ماشفتها وجتني على كلامه رجال صدوق والله يرزقنا وياه وانصح بالتعامل معه
عز الله لقيت القبال الطيب والنفس الطيبة والرجال طيب وسلعته طيبة وسمح في البيع الله يبارك فيه وفي محله وفي حلاله يستاهل ابو عبدالله
شريت من ابو عبدالله ناقه دون اشوف ومن طيبه وطيب سلعته بيعت وربحت وهي في مراحها .
عزالله شريت منه بدون شوف ولا حوف. فقط مقاطع فديو. وسلعته مثل ماذكر واطيب. وجاني مكسب قبل احمل حلالي وبلغني ولابعت انصح بالتعامل معه. الله يبارك لنا وله ولكم
قد شريت خلفه من ابوعبدالله وعزالله انها جاتني على كلامه ووصفه الي قالي وللامانه انها اطيب من كلامه بعد والله يرزقه ويبارك له ورجال بيعه زينه وسهل وصدوق
ونعم الرجل شريت منه لقحه وقعود وجتني اطيب من الصور ورجالا سمح بالبيع عسى الله يبارك له بحلاله وماله
ابو عبدالله رجل سمح بالبيع شريت منه ثلاث مرات وانا والله ماجيته كلها بالجوال وكل مايجي الحلال نفس كلامه واطيب وسلعته مبروكه وهو مبروك والله ماذكر انى شريت منه وخسرت الله يوفقه ويرزقه بالرزق الحلال صاحب نيه طيبه ويصفط الخير للناس
انا شريت من الشخص ابو عبدالله ونعم الرجل ونعم التعامل والصدق والذمه وسلعتها مباركه وهو مبروك الله يرزقه من واسع فضله شريت منه وكسبت مكسب وهي باقي عنده مشالله
شريت منه ناقتين وحده زي ماذكر والثانية مصور لي القدح يوم حلبها قال تحلب قدحين ونص وطلع كلامه غير صحيح تحلب 5 قدحان لذلك سأشتري منه مستقبلا
اشتريت منه اليوم بكره مفروده طيبه وانسان صادق وسمح في البيع وراعي نية طيبه عطاني النية ورحت اشوفها وجاه زود ورفضه ويوم قلت شريت وتباركت بالله قال فيه زبائن عليها ويبون يكسبونك وحولهم علي.
اشتريت من عند ابو عبدالله ثلاث مرات بدون ماجيه والا اشوف و اشهد بالله انه رجل صادق و سلعته مباركه الله يرزقه من واسع فضله
الرجال بيض الله وجهه سمح ف البيع ورجالن اشهد اني جيت محله قبل 5 دقايق وشريت منه بكره باتليه. والبكره مثل ماعلمها في حراج. علمها في محلها ورجال. صدوق وسموح ف البيع والله يبارك للشاري ويخلف ع البايع
السلآم عليكم ورحمة الله وبركاته أنصح التعامل معه شريت منه بعير وانا والله ما اعرفه بسلامته وجيت البعير اليوم هذا وحصلته نفس كلامه الرجال يبري ذمته الشاهد الله على كلامي رجل صدق امانه وأنصح التعامل معه والله يكثر من أمثاله
انصح بالتعامل مع ابو عبدالله رجل محترم وبيعاته مبروكة..
الله يوفقه رجال راعي ذمه. وعلمه طيب والله يرزقه وين مكان
شريت منه لقحه وعلى كلامه ورجال يستاهل الخير وصدوق
شريت من ابو عبدالله قعود وبيض الله وجهه وكان سمح معي وصريح والله يرزقه من واسع فضله . وانصح بالتعامل معه .
تم التعامل مع اخوي ابوعبدالله في اكثر من بيعه ويعلم الله انه سمح ومبروك واضح في سلعته وانصح التعامل معه واسال الله ان يوسع في رزقه
انا فهد السبيعي شريت ناقه من ابوعبدالله ويشهد الله انه ونعم وانه صادق وسمح شهاده حق
السلام عليكم انصح بقوه التعامل مع ابو عبدالله راعي ذمه وأمانه ويخاف ربه في تعامله اخذت منه خلفه وموقعي نجران وطلع كلامه ووصفه حسب اتفاق البيع وانصح بالتعامل معه راعي نظره في بيعاته الله يوفقه
البيع إذا توفرت فيه الصدق والأمانة والنية الطيبة بارك الله فيه وهالصفات وجدتها عند تعاملي مع الاخ الكريم أبوعبدالله أسأل الله أن يبارك في رزقه
شريت منه بعير بالقيض ماشفته بس بالصور ويوم جاني طلع اطيب من التصوير واظرب واعشر وعلى كلامه واطيب وبيض الله وجه ابو عبدالله على تعماله الطيب وصدقه
انصح في التعامل مع ابو عبدالله الله يبارك له بحلاله ويرزقه جنات النعيم ومن يشوف رجال كفو. وانسان سموح الله يرزقه وجميع المسلمين من واسع فضله