ابوقعيد قعيد

عز الله ونعم الرجال وانسان صادق وانصح الكل بالتعامل معاه

صراحه انك يابو قعيد صادق وتعاملك ممتاز الله يصلح لك النية والذرية انصح بالتعامل معه للامانه

تم التعامل معه كان عندي قطعة فاليرموك وجابها وشحنها الى الجنوب الرجال ثقه وانصح بالتعامل معه والله ييسر امره

تم التعامل معه لتوفير قطع لسياره صيني ماقصر ابد يصور ويبحث ويجمع القطع ويكاسر كان ه انت بيض الله وجهك وفتح لك ابواب الرزق

جزاه الله خير متعاون وصادق و مجتهد و وفر طلبي بشكل سريع

عز الله رجال تعامل معه بكل سهوله ورجعت له القطعه اكثر من مره وبدلها ولا اخذ زياده بالعكس يخدمك بنفس طيبه

البضاعة وصلت بدون تآخير و رجل محترم و ثقه الله يسعده كم انه حريص على الاسعار

الله يجزاه خير ويبارك له في حال وماله والله يا انجزني وتعب معي ويجزاه الف خير انصحكم تعامل معه والله اني حولة المبلغ قبل تنفك الاغراض من ثقتي بالله ثم كلام رجال وانا والله بيني وبينه كانت مكالمات عشان قطع اوبيتما اخوك ناصر القحطاني

انصح ب التعامل معه رجال كويس وثقه الله يوقفه وويرزقه يارب🤍🤍🙏🏻.

بكل امانة الرجال ثقة وايضا ماياخذ الفلوس الا لين يحصل القطة حقك وبعدها يتم التحويل له : وثاني شي يدور لك الشييء النظيف ويصور لك وبعدها يشحنها لك لمنطقتك الله يرزقك يبو قعيد زبون ✋🏻

انصح بالتعامل مع ابو قعيد والله اني بنفسي ذهب ابحث عن قطع لسيارتي وعجزت عن وجودها وراسلت ابو قعيد ووفرها لي وبسعر ممتاز ونظافه ممتازه والله علئ مااقول شهيد شهاده لله ابو فهد البقمي

خدمة ممتازة دقة في اختيار القطع وسرعة في الانجاز والتوصيل لشركات الشحن واختيار الافضل والانسب للشحن دقة وجودة وامانة

ابو قعيد شخص أمين وخدوم وأنصح بالتعامل معه تجربة ناجحة وأسال الله له التوفيق

اشكر اخوي صااح رجال في اتم الثقه خدمني وانا من منطقه بحث لي عن القطعه وشرها بيض الله وجهه وانصح رجل كفو

الرجل صاحب مصداقية وكفؤ يبذل جهد كبير علشان يحصل مطلبك بسعر معقول وجودة عالية .. انصح وبقوة بالتعامل معه

رجال امين و صادق و يخاف ربه و ممتاز و انصحكم فيه و رائع و ممتاز و ابو قعيد

ابو قعيد ونعم الشارب رجل يخاف الله في شربت الماء ولا نزكيه علا الله رجل صادق وأمين عن تجر به تعامل معه والله علا ماقوال شهيد

افضل مندوب في قطع الغيار تعامل احترافي وامين وثقه انصح بالتعامل معه الله يرزقه ويسخرله الناس الطيبه

ما قصر معي جاب كل القطع اللي احتجتها

السلام عليكم ورحمة الله وبركاته اشكر ابو قعيد على تعاونه وصيته بشغله لسيارتي بالتشليح ووفرها الرجال يدور نفس مايدور لموتره الصدق والامانه ويفيدك بعد بالقطع هذي ماتصلح وهذي تصلح يقدم لك المشوره جعل اللي مثله واجد استمر ونتمنى لك الرزق

أبو قعيد رجل مخلص في عمله و القطعه وصلت بشكل سريع ..

والله انه كفو وأنصح بشده بالتواصل معه لشراء قطع الغيار من اي تشليح داخل الرياض وتشليح الحاير بالذات أبو قعيد امين وناصح وسريع في البحث عن القطع ويعطيك من الآخر

اشكر هذا الإنسان الأمين والذي تعب حتى أوجد القطع المطلوبه وأفضل التعامل معه بكل صدق

صالح رجل ونعم فيه ماقصر طلبت قطعه من خارج المنطقة الرياض وجابها لي فأفضل جوده ماقصر وانصح التعامل معاه

الرجال ناصح ومجتهد الله يوفقه وييسر امره .

انعم واكرم بحث لي عن اجود القطع لو رحت انا بنفسي ماجبتها

ونعم الرجل ابو قعيد قمه في التعامل والصدق والامانه وتوفير القطع المناسبه

كلمه شكرا لاتوفي حقك امانه واسلوب واخلاق عاليه بل شكرا بكل معاني الشكر لك اتمنا لك التوفيق

الرجل ونعم الاخلاق وسعة الصدر و الفزعه .. الله يوسع عليه ويرزقه من فضله يستاهل

في ظل ما نعيشه من كثره النصب والاحتيال عبر السوشيال ميديا يبقى ناس كالمصباح يضئ عتمه الطريق ومنهم هذا الشخص في حسن تعامله ومصداقيه القول والافاء بالوعد والاختيار الجيد لقطع الغيار والسعر المناسب اسال الله ان يزيده في رزقه

تواصلت مع ابو قعيد بشأن توفير قطعة من التشليح. صراحة بحث و حصل القطعة بسرعة وتواصل معي حتي تم التأكد من ان القطعة شغاله ومن ثم شحن القطعة الي عنواني خارج الرياض. للامانه اول مره اتعامل معه ولو احتجت قطعة اخري في المستقبل لن اتردد نهائيا في التواصل معه.

مشاءالله سريع وربي انه شخص كفو

تعاملت معه وتم توفير جميع القطع اللي احتجتها وفي وقت قياسي الله يوفقه

الله يجزاه خير ويبيض وجهه ما قصر وفر لي اي بي اس مرسيدس بنفس الرقم ووصلها مع العلم انها كانت نادره القطعه ورافعين سعرها الا انه جابها لي بسعر اقل من السوق

يستاهل كل خير فعلا انسان صادق ويتعامل معك باحترام ويجيب لك افضل شي وبسعر مناسب الله يوفقه

افضل الرجال الي تعملت معه و انشاء الله مو اول مره اتعامل معاه 🍯.

جعل من جابك يابوقعيد بالجنة اقسم بالله كلمته بنفس اليوم شحن القطعة وطلبي كان دبل سكويا 2014 جاب لي من الاخر نظيف مرا مرا وبه الزيت وينصحك باسباب خراب الدبل القديم وصلتني القطعة وركبتها وطلعت البر الموتر 10 10 ربي لك الحمد رجال ثقة ونصوح ويحسسك ان الطلب له قبل ان يكون لك اسال الله ان يبارك لك في رزقك ومالك وصحتك وان يرزقك الله من حيث لاتحتسب شكرا لاتوفي حقك بيض الله وجهك مجمل عند كل من تعامل معاك وانا مستعد لكل مساعدة تطلبها يابوقعيد اخ عزيز وغالي من اول تعامل ودك ماتطلب احد غيره رجال بمعنى

أشهد بالله انه رج ال كفو وثقة احتجت باب سيارتي وفزع لي. مر أكثر من محل لين حص ل حاجتي وفحص لي الدهان والسمكرة رجال أمين ونصوح أنصح اي شخص له حاجة بالرياض يكلم ابو قعيد

ونعم الرجل صادق ومخلص ويتابع حتى تجد مطلوبك يعلم الله لم اقابل الرجل ولكن من تعامله كان قمه بالاخلاق والاخلاص والتفاني ومعك لحظه بلحظه وخدوم بارك الله له في صحته وعمله ورزقه من واسع فضله

هذا الرجل ونعم الرجل.. أمانه وسرعة في الإنجاز وثقة.. وفقه الله ورزقه من حيث لايحتسب.. تعاملت مع الكثير من المناديب لكن مثل هذا الرجل لم أجد بصراحه. تحياتي للجميع

اشكر الأخ أبو قعيد صراحه ونعم الرجل صدق وأمانه وأسعاره رخيصة والقطع يجيبها لك نظيفه

ابوقعيد ونعم الرجل والتعامل يشهد علي الله معرفتي وتعاملي معه من قريب بس كنها سنين

جدا ثقه وفوق التقييم يشهد الله والله لو تروح بنفسك تدور ماراح تسوي نفس شغله لك .. يخدمك كأن الشغله له هو .. وفوق ذلك سريع ماشاء الله تبارك الله الله يبارك له ويرزقه

الرجال اجودي وعز الله انه ونعم .. خدمني وانتقل من تشليح الحاير لين السلي عشان يبحث عن القطعه ولا كلمني عن السعر ولا كلمني عن شي .. ووفرلي القطعه ويكاسر فيها كنها له كلمة شكر ماتوفي حقك يبو قعيد شكرا

الله يبيض وجهه صادق امين يبحث عن افضل سعر حتى و ان كلف الامر البحث في عدة اماكن عسى الله يرزقك على قد نيتك و يجزاك كل خير و انصح بالتعامل معاه بكل شددده

جدا الخدمه سريعه والتواصل فعال والمبايعة سهله والتوصيل سريع و مريح .

تعامل سريع واخلاق عالية واستقبال طيب وخدمة زينة وخير من يكفيك في طلبك. الله يوفقه ويبارك له

شخص خدوم وناصح وأمين ويستاهل كل ريال يندفع مقابل خدمته المميزة وفر علي المشوار وجاب أنظف القطع بأفضل سعر الف شكر ابو قعيد

رجال منصح وخلوق الله يرزقة يفر التشلبح ويصور لك بدل القطعة عشر ولا عزمت حول له اتعابة 100 وعز الله يستاهل اكثر الله يوفقه

ماشاء الله رجل امين وصادق

صادق في مواعيده يرد على الجوال والرسايل يقول لك السعر الحقيقي وينصحك بكل أمانه ويختار لك طريقه الشحن المناسب ف السعر والوقت الله يبارك له

الرجال ماقصر يدور لك القطع النظيفة والارخص و غير كذا يعطيك رأيه بحكم خبرته في التشليح الله يعافيه .

تم التعامل مع ابو قعيد ونعم الرجل والله ماشفت الرجال ولاكن طلبة منه قطع كابتفيا 2022 وفرلي القطع خلال يومين تم توصيلهن عن طريق زاجل والله على ماقول شهد ذمه وضمير شكرا لك والله يكثر من امثالك

شخص خدوم وأمين ويستاهل كل ريال يندفع مقابل خدمته المميزة وفر علي المشوار وجاب أنظف القطع بأفضل سعر الف شكر ابو قعيد

مشاء الله تبارك الله رجال ثقه ويصورلك القطعه قبل الفك وبعد الفك وصلني القطع بحايل نفس ماشفت بالصور انصح بالتعامل معه رجال ذمه

الله يوفقه ويفتح عليه تعاملت معه صور لي اكثر من قطعه وارسلها لي خارج الرياض ورجعتها واستلمها ورجع فلوسي الرجال ماقصر ويستاهل كل خير

ماشاءالله تبارك الله الله يوفقة والي متردد لا يخاف الرجال أمين واسعاره زينة

شخص امين والله يوفقه تعاملت معاه يمكن 4 مرات وماشاء الله كل قطعه احسن من الثانيه عسى الله يوفقه وييسر امره

انشهد انه كفو وتعاملت معه قطع غيار من التشليح لسيارتين وماقصر تعب معي وراعي ذمه وباله وسيع والله انه يشتري ويبحث عن الافضل كأن السيارة سيارته الف شكر ماتكفيه ويستاهل التقييم👍🏻

صراحتن ابو قعيد ونعمم الرجل جابلي كمر وكان قمه في المصداقيه وسريع في انجاز القطع وبيض الله وجهه

خدمته ممتازه رجل متجاوب صدوق وخلوق ويخاف الله تعاملت معاه كان تعامله سريع ووفر لي القطع بسرعه وطالما إنه صادق وأمين أسأل الله أن يرزقه من واسع فضله وكرمه شكرا لك يأبو قعيد أبيض وجه ولا قصرت :: رد خاص. يظهر للمعلن فقط ::

رجل صادق وامين يبذل جهد كبير في الحصول على المطلوب باقل سعر ولديه خبره في القطع الميكانيكية. تجربتي معه ممتازه رزقه الله من واسع فضله. انصح بالتعامل معه.

السلام عليكم ورحمة الله وبركاته بصراحة ونعم الرجل تعاملت معه طلبة منه قطعه يومين وهو يبحث عنها ونفس الموصفات وصور لي كذا صوره قبل دفع المبلغ والله انصح بتعامل معه والله يرزقك يا اخ صالح والله يرزقك من واسع فضله يارب العالمين. 0000

الله يبيض وجه عزالله انه خدوووم ورجال يتعب في البحث عن القطعه ويعلمك انها تصلح ولا

رجال تعاملت معه والله ولا قصر و جرب القطعه قبل يجيبها و يجي لا موقعك الله يبيض وجهه والله من افضل اناس الي تعاملت معهم

تعامل راقي وسرعه فالإستجابه وتم الحصول على القطع المطلوبه خلال يوم واحد 👍👍👍

بيض الله وجهه رجل صادق وامين وحريص يبحث عن اقل سعر وافضل الموجود باسرع وقت الله يرزقه من واسع فضله انصح بالتعامل معه وبقوة

تعاملت مع الاخ صالح وشهادة في ذمتى اقولها لوجه الله والله ماسورني اي خوف او شك وانا اتعامل معاه انسان صادق ويبحث لك عن افضل قطع وبمبلغ رمزي جدا ويوفر عليك جهد ومال وثقة فيه حولت له 10000 ريال وانا ما عمري كلمته انصح بالتعامل معاه واقيمه 10 10

الرجال امين وثقه ويستاهل التعامل معه جدا راقي

بضاعه نظيفه وسرعة توصيل

ونعم الرجل وافي وحريص ونصوح عسى ربي يرزقه من واسع فضله . ❤ ❤ 🌹

سريع في الرد تواصلت معاه ويخدمك بنصايح كثير وفاهم في القطع واسعارها ويجيب لك شي نظيف وشرط بسعر مناسب

رجال ونعم تشرفت بمعرفته والله سرعه استجلابه روح حلوه ثقه وامانه الله يجزاه الف خير والله يكثر من امثاله

بيض الله وجهك يبو قعيد تعاملك جدا رائع وامانه في القطع ومجتهد جدا وسريع التجاوب شكرا لك

rlm الرجل ناصح وصادق وسريع التوصيل ونحسبه كذلك ولا نزكي على الله يا احدا الله يبارك له

اشتريت منه مروحة مكيف اودي ووصلت حسب الاتفاق تماما وبون تاخير والسغر مناسب جدا

تعاملت مع الأخ الحقيقه رجال أمين ويستاهل كل خير عسى الله يوفقك يارب

للامانه طلبت اول مره وجت القطع نظيفه وثاني مره وارسلهم ويكفي التعامل وانصح ويعطيك العافيه اخوي ابو قعيد محمد العنزي عرعر

يعطيه العافيه ابو قعيد... انشهد انه شقردي وأمين وحريص أنه يدور النظيف للعميل...

اشكر ابو مقعد حيث اجتهد بتوفير القطع من التشاليح ومن قطاع الغيار وتوصيله شكرا ابو مقعد انصح التعامل معه

انصح بالتعامل مع ابو قعيد انشهد انها مقصر معي ارسلت لها السياره واستقبله وانجزه وارسله لي بدون ماجيهم

الرجل تعاملة معاه طلبت منه قطعه وارسلها لي امين واخلاقه عاليه انصح بالتعامل معه وشكرا

طلبت من الرجال قطعة وصعب تحصل القطعة هذي لكثرت الطلب عليها والله ما قصر تعب حتى حصل القطعة ويدور كأن القطعه له وبأفضل الاسعار يستاهل الدعم

ماشاءالله تبارك الله أسعار ممتازة بوقت قياسي بعدتوفيق الله لنا وله مع العلم انها قطع صينية صعب وجودها. بالإضافة أنه مايا خذ إلا حقه فقط والقطع يحسبها مثل مايشتري. كل الشكر والتقدير لك ياأبوقعيد والقطع الباقية كلها بأطلبها عن طريقك.

الله يجزاه خير والله انه يتعب على رضى العميل قبل ياخذ ماله يهمه رضى العميل قبل كل شي الله يوفقه ويرضى عليه

تعاملت معه وبكل أمانه رجل طيب النفس حسن التعامل وسريع الاستجابه جاب لي القطعة المطلوبة وأرخص ما في السوق السودانين الي بالتشليح اطلبو مبلغ 1700 و1800 و الاخ ابوقعيد جابها لي 1250ريال مع اتعابه 1350ريال جزاه الله الف خير وبارك الله فيه يشهد الله لا اعرفه ولم اشاهده بحياتي فقط عبر الواتس اب والسلام عليكم