عادل المالكي --الطائف

انصح بالتعامل مع الاخ عادل المالكي ونعم الرجل تم تغيير مكينه كورلا ماشالله من ابدع مايكون اسلوب ورجله خلوق الله يرزقه من فضله

انصح بتعامل معى الاخ عادل المالكي ورجل حريص جميع الحرص على اي سيارة تدخل بالورشه انا وضبت مكينة فكتوريا 2011 وعطاني نصيحه يشكر عليها قالي وضب وتوكل على الله احسن من انك تغير مكينه ويعحز السان على شكر

تم شراء وتركيب مكينة جيب تيريوس دايهاتسو من الأستاذ عادل ومرت أكثر من سنة و ماشاء الله تبارك الله مافيها إلا العافية.. الله يبارك له وأنصح فيه من تجربة

السلام عليكم الشهادة لله كلمة حق يسألني الله عنها أرسلت له سيارتي فيها مكينة بسطحه ولا جئته إلا بعد مانتها من تركيب المكينه الجديده وتركيب بعض القطع من عنده وأخرى على حسابي من باب النصح رجل صادق صادق

تعامل ممتاز وأسلوب رائع وشغل لا يعلى عليه ماشاء الله تبارك الله . الله يبارك له ويرزقه من واسع فضله انصح بالتعامل معه

الله يبيض وجهه على الشغل الطيب والله يرزقه من واسع فضله

اشتريت قير والأمور ممتازة جدا.... شكراا للتعامل

ماشاء الله تبارك قبل كل حاجه الاستاذ عادل المالكي ونعم الرجال تعامل واسلوب والمعلمين اللي في الورشه من افضل المهندسين وانا ما كتبت عشان اقيم الرجال ولا شغله ولا كتبت التقييم الا بعد ما خلص الضمان

الله يبارك لك في رزقك

ركبت عنده مكينه ونعم الرجل والله واخلاق ويفيدك بالي يقدر عليه وشغله نضيف بدقه عاليه

الله يسعدك ويرضى عليك قمة في التعامل والمصداقية ومستوى عالي وخبره قوية في مجال الميكانيكا اشكرك من اعماق قلبي عادل المالكي

ي ريجيل يلوموني في السعودين يعلمك بكل ذمه وامانه حتى لو عندك في موترك عطال وهو ورشته م تشتغل ذا العطال يوجهك ويعلمك ب التسعيرات ويفهمك عشان م ينصب عليك قسم ب الله اتعب وانا امدح الاخ عادل المالكي

رجل كفو بمعنى الكلمه رجل قائم على شغله مع العمال يتابع شغله رجل خدوم

السلام عليكم اخواني هذا الرجال الي اسمه عادل المالكي خدمني بكل امانه ومعاه المكانيكي عبدالرؤوف سلمت سيارتي للورشة واستلمتها جاهزة 100 اسال الله ان يبارك له وان يرزقه من حيث لايحتسب

أنصح بالتعامل مع الأخ عادل المالكي وله جزيل الشكر على صدقه وتعاونه ونصائحه وأسأل الله أن يرزقه من واسع فضله.

انصح بتعامل معه اخلاق واسلوب وتعامل واهم شي الشغل حقهم فوق الممتاز الله يرزقهم

ابيض وجه رجل خلوق وتعامله مع العملاء راقي جدآ وشغله نظيف ماشاء الله تبارك الله الله يبارك في رزقه

أنصح بالتعامل مع الأخ عادل المالكي وأتقدم له بالشكر ولجميع العاملين في الورشة لما لمسته من حسن إستقبال وطيب التعامل وسماحه في البيع وجودة العمل قمت بتغيير مكينة كامري مستورده وكان الأخ عادل متواصل معي وإحضار القطع بنفسه وكأن السياره سيارته أسأل الله أن يبارك له في حاله وفي ماله وفي عياله وأن يرزقه من واسع فضله

صاحب الورشة رجل صادق وامين وناصح اترك سيارتك عنده ولاتشيل هم ..يصلحها لك كانها سيارته ويضمن شغله .. ركبت مكينة ميتسوبيشي على سوناتا 16 ماشاء الله تبارك الله شغل ممتاز ..وحصل تهريب من الصوفة وصلحتها في ورشة ثانية لاني من خارج الطايف وبعيد وحول لي مبلغ الاصلاح على الضمان

بصراحه انسان صادق ومتمكن في عمله وحريص على العميل وتعامله ممتاز وكلامه في مكانه اشكره على جهده الملموس وانصح بالتعامل والله يوفقه

لله يوفقك ي ابو حاتم رجال مكان الثقه

ممتاز جدا ورجل خلوق وامين

معلم ممتاز ويشتغل بذمه وامانه انصح به

للامانه ونعم الرجل تعامل وأخلاق والله يرزقنا وياه

الحمدلله اللي رماني عند الرجال هذا نصحني ودلني على نوع المكينه الافضل والسعر الانسب وانسان نصوح وحريص على شغله والله يجزاه خير

انصح بالتعامل معه اسال الله يبارك له في حلاله ويرزقه ونعم الرجل

السلام عليكم اشتريت من الأخ عادل المالكي ماكينة اكسنت اشكره على حسن تعامله وصدقه وامين ويحب الخير للغير مايبخل عليك بشئ ونصوح أسأل الله ان يباركله في رزقه انصح بالتعامل معاه رجال كفو والله وباله طويل تسأله وتستشيره ماشاءالله عليه بالتوفيق

كانت تجربتي مرههه ممتازه وتأمل مع الناس واحترام ماشاء الله عليه ولا يجيب الا شي بالامانه انصحكم انكم تعملوا معاه❤ ❤

اخذت مكينه كامري ماشاء الله تبارك الله على بضاعتهم ممتااازه من عندهم وشغلهم نضيف ومرتب وتطبيق نفس الوكاله والاخ عادل ماشاء في قمه الاخلاق والاحترام والامانه ورجل محترم ونصوح لك بالخير والعماله ممتازه جدا ومتفهمين اسأل الله العلى العضيم ان يبارك لك اخ عادل في المال والاولاد ويرزقك الرزق الطيب 🌹

ماشاء الله ياجماعه الخير الرجال هذا ناصح وصادق واشتريت منه مكينه دباب ديهاتسو من طايف الى تبوك الف شكر له والله يعطيه الف عافية وانصح بالتعامل معه الف شكر لك يا اخ عادل

بصراحه اخذت من عنده مكينه والحمد لله السياره معاي الان تمام. والرجل ايضا قمه في التعامل

السلام عليكم اشتريت من الاخ عادل ورشة الخاتم . مكينه فورد اشكره على الصدق والحرص والامانه بارك الله فيه وفي رزقه.

بصراحه انسان وفي وصريح وأمين ومهتم بموضوع العملاء ونصيحتهم ويسبق الخير لغيره اهنيك على اسلوبك وأخلاق الجميله اتمناله التوفيق والنجاح الدائم

السلام عليكم ورحمة الله وبركاته شريت من عنده مكينه كورولا وقمه في التعامل الراقي والاسلوب الجيد في التعامل مع العملاء ونصوح بالشي الطيب

عادل شخص أمين وصادق في النصيحه ويعمل للسياره باخلاص كأنها له.. بارك الله فيه. انصح بالتعامل معه تحربتي معه اخذت ماكينه يارس..ممتازه

اشكر الاخ عادل رجل في قمه الاخلاق والامانه

تعاملت مع الاخ عادل المالكي ويشهد الله انه من افضل الناس بالتعامل والخلق وقبل ما يبيعك او يصلح لك خرابك ينصحك بالافضل ويقوم بشغلك على اكمل وجهه شهادة حق من اخوكم والله يكثر من امثاله

الرجال في قمة الاخلاق وبضاعته توب واسعاره اقل شيء في السوق

ونعم الرجل قول وفعل وصادق ركبت عنده مكينه كامري 2009 بسم الله ماشاءالله انصح بالتعامل معه سرعه ودقه في الانجاز الله يبارك له في حلاله وماله

يالربع شهادة حق من اخوكم والله شريت منه مكينة كامري الرجل يعمل بنفسه في الورشه مع عماله ورجل امين وباعني مكينة نضيفه ونقصلي في السعر عن السوق وقالي مشي المكينه 1000 كيلو وتعال وجيته وشيك على السيارة مجانا وغيري موية الرديتر بعد جبتها له بلاش غير انه كان يفحص السيارة كمبيوتر ببلاش عشان اخذ شغل نظيف

توظيب كامري الله يعطيه العافيه

رجل ممتاز وبيشتغل بذمة وامانة انصح بالتعامل معاه

لقد أشتريت مكينة كامري ياباني من الاخ عادل وتم تركيبها للسيارة منذ 3 اشهر والحمد لله على مايرام وله منى كل الشكر والتقدير على حسن تعامله وكذلك نصحه

اخذت من عنده مكينه وللأمانه شغله يبيض الوجه واي شي يلقاه خربان يصلحه كانها سيارته

تعاملت مع الاخ عادل ويشهد الله انه من افضل الناس بالتعامل والخلق وقبل ما يبيعك او يصلح لك خرابك ينصحك بالافضل ويقوم بشغلك على اكمل وجه عسى الله يبارك له في حلاله ويرزقه من حيث لا يحتسب

ورشه متميزة وصاحب الورشه الاخ ابو حاتم قمه في التعامل والاخلاق شكرا ...

رجل راعي امانه وحسن تعامل مع العميل وعمال محترمين وشغل ممتاز

اخ عادل رجل وخدوم وامين

تجربة ممتازة شغلهم نضيف جدا الله يوفقه ويرزقه

ياجماعه تعاملوا معه وانت مغمض عيونك قدم لي خدمات اكثر من ماطلبت فالف شكر له والله يرزقه

تم الشراء من الاستاذ عادل وكان شخص خلوق وامين وكانت بضاعته ممتازه وتم توفير سطحة لسيارتي

طلع صوت بسيارتي مريت اكثر من ورشه اعطوني اكثر من خراب وفجاه توقفة بالطريق رغم اني مريت اكثر من ورشه قبله بعدين اكتشفت انها خبطت وتعاملة معه وجاب لي مكينه واكتشف سبب التخبيط وضبطها الله يسعده والحمدالله على كل حال وانصح بالتعامل معه 👍🏻

كانت ممتازه وتعامله ممتاز

ما شاءالله شغلهم نضيف وبدون تاخير واخلاقهم عاليه انصح بالتعامل معهم من تجربه

يسعد مساء الجميع اشكر على من اثنى على عادل ب الاخلاص والامانه والنصح يعلم الله لاعرف ولا قط قابلته وذهبت الى الورشه ولقيت الاخوان الذين سبقونا وانصح ب التعامل معه والله يوفقه

السلام عليكم ورحمة الله وبركاته الله يوفقك ويسعدك ويرزقك من حيث تحتسب ومن حيث لاتحتسب اخلاق وصدق وتعامل طيب غيرت مكينة كامري 2011 ماشاء الله تبارك الله نظيفه الله يوفقك للامانه والله يستاهل خمس نجوم واقف على ورشته وينصحك بصدق

ممتاز جد ا وخلوق والتعامل معه طيب جد ا ماقصر وقدم لي نصايح ماشاءالله تبارك الرحمن الله يرزقه والله يباركله في رزقه

جربت الشراء لمحرك اكسنت 2006 للمرة الثانية وسوناتا 2015. الرجل ناصح يهتم بالعميل أقل سعر بكثيير من مجرمين التشليح خدمة ما بعد البيع

خدمة متميزة جدا شغل نظيف عمالة متميزة جدا احترافيه بالعمل وفك وتركيب المكاين

تجربة ممتازة مع الاخ عادل المالكي الله يوفقنا جميعا لما يحبه ويرضاه وشكرا لكم

من افضل الورش بأدارة سعوديه فك وتركيب محركات السيارات تعامل راقي وامانه اشكرك الأخ عادل الله يعطيك العافيه

الله يبارك لك في مالك وحلالك يشهد الله ان تعامل راقي وبالنسبة لي وبدون مجاملة اول مره اتعامل مع صاحب ورشه بهذي الأخلاق والصدق والامانه ويكفي وقوفه على الورشة بنفسه

أنصح بالتعامل مع الاخ عادل ونعم الرجل أخلاق وأمانة وعز الله من طيب راسه ويخدمك في كل شيء ولو خارج الإتفاق بعد مايقصر أبد وتجي تستلم موترك جاهز الله يبارك لك ويوفقك

تجربة ممتازه جدا البضاعه وصلت في وقتها دون تاخير وصاحب الشان في قمة اخلاقه وتواضعه اسئل الله ان يوفقه ويحفظه واتمنى له دوام التوفيق

انصح بالتعامل مع الاخ عادل الله رجل امانه واخلاق وخير من كثير من الورش الي قد تعاملت معهم والي بيروح له بيشوف هالشي بنفسه الله يوفقه ويوفقنا جميع

السلام عليكم ورحمة الله وبركاتة مساء الخير اخذت قير كامري اتوماتيكي من الأخ عادل المالكي التعامل محترم ومريح التفاهم معه عارف شغله زين والأسعار طيبه الله يسعده ويوفقه ويرزقه علي طيبه نيته

اخذت من عند الرجال مكينة كامري وللامانة الانسان نصوح واخلاقه عاليه ومراعي للظروف واسعاره ممتازه جدا نحسبه والله حسيبه من اكثر الناس الحريصين والصادقين

ممتاز والتعامل ممتاز جدا شغل ولا اروع إنسان كفو وثقه ويستاهل السمعة الطيبه

الرجال أمين والشغل ممتاز والله يعطيه العافيه ويسعده ماقصر وفي أشياء صلحها بدون مقابل

للأمانة والله ماعرفت الأخ عادل إلا عن طريق موقع حراج.. لكن يمين بلله العظيم أن هذا الرجل قمة في الاخلاق والصدق والتواضع.. يخدمك وانت في آخر الدنيا وكأنه اخوك.. طلبت منه قير كامري وانا في تبوك.. يشهد سعرة عندنا بتبوك 2500الى 3000 واعطاني بسعر خيالي يشهد مالقيت رجال بيعه سمح وبضاعته مضمونه ومشروطة ونضيفه مثل الأخ عادل المالكي . الله يرزقه ويبارك له . انصح بالتعامل

ونعم الرجل اقسم بالله العظيم رجل عنده امانه وسلمه سيارتك وانت مرتاح ومتطمن والله لتستلم السياره احسن من ماكانت انصح بالتعامل معه ونعم في الاخ عادل.

شكر وتقدير واحترام على سرعة الانجاز وعلى الخدمه المقدمة وعلى نظافة البضاعة وعلى الاخلاق الراقية

ماشاء الله تبارك الله الصراحة تعامل واخلاق واخذت من عنده مكينه نظيفه شد بلد لحد الآن مر عليها شهر ولا فيها أي مشاكل وانصح بالتعامل مع الأخ عادل

ونعم ارجل والخلاق تعامله امانه جدا جدا راقي وصادق وبيعه سمح الله يرزقه من حيث لا يحتسب

والله الشخص هذا ربي مبارك له قبل كل شي يخدمك في اي شي تشتكي منه حتى ولو ما يشتغلها يدلك ما يخليك .. quot خير الكلام ما قل ودل quot والله ونعم الرجل ونعم الخلق والتعامل .

هذا الرجل ودينا عنده سياره ركب لها مكينه والصراحه شغله صدق وامانه وانصح التعامل معه والصراحه سعره اقل ما في السوق ورجال صادق وامين ..انصح التعامل معه..

البضاعة وصلت وبدون تأخير والرجل خلوق ومتواضع جدا ومحل ثقه يستاهل كل خير فوق ممتاز جدا جدا جدا جدا جدا جدا جدا جدا

رجل صادق بماتعنيه الكلمه واسأل الله ان يعطيه حتى يرضيه وانه يرزقه من حيث لا يحتسب

عادل المالكي شهادة حق افضل محل ممكن تركب عنده مكينة صاحب خبرة طويلة واراهن انه افضل سعر هذا غير اخلاقه الطيبة ويعطيك مشورة على كل ماتحتاج وبكل امانة انصح بالتعامل معه وبقوة

رجل صادق وامين وخلوق وعنده اهتمام بالزبون الله يعطيه الصحة والعافية

شغل نضيف صدق وأمانة وأخلاق عالية وحسن معاملة وانصح بالتعامل معه .

صراحة ونعم الرجال اخلاق واحترام وبيض الله وجهه واللي ما اتعامله معه انصحه ووالله ماندري كيف نرد جميله اعطيته الموتر على اساس ان المكينه خربانه طلع يبغاله حاجات بسيطه ولو احد غيره كان ضحك على الناس ف الله يرزقه من واسع فضله والله يباركله في حلاله وماله واولاده وبيض الله وجهه

تعاملي مع الاخ عادل خلال 3 ساعات فقط اشتريت منه مكينة ديهاتسو دباب قمة الاحترام و الاخلاق شحن المكينه الى الدمام قبل ما يستلم حقها اسال الله الكريم رب العرش العظيم انه يزيد في ماله وحلاله

ركبت مكينة من عنده ماشاء الله تبارك الله وارخص مالقيت عنده يكفي اخلاق الأخ عادل رجل في قمة الأدب وأنصح بالتعامل معه أفضل من الورش الأخرى لاامانة

اشتريت مكينة كامري من الأخ عادل يشهد الله المكينه نظيفه وشغله مرتب ورجل نصوح جدا كأنها سيارته اسأل الله العظيم أنه يبارك له برزقه