صدق وامانه وبيع سمح الله يباركلك في حلالك ويوفقك دنيا واخره
شريت من ابو علي وجات على الوصف واطيب من الفديو وعلى الشرط رجال كريم وحسن الخلق الله يرحم والديه جهز لي السياره وكان متواصل معاي لحد وصلتني السياره بيض الله وجهه ويشهد الله من اول تعامل لي معاه حسيت اني متعامل معاه من قبل اسال الله ان يرزقه من واسع فضله ويعطيه على قدر نياته أنصح بالتعامل معاه واهنيه على أمانته
نعم شريت من العمري غنم حريات وعروضه طيبه ويشهد الله اول مره اتعامل معاه وارتحت له حولت حسابه وارسلي الغنم وصلتني مثل الوصف والفديو ورجال سمح في البيع وحلاله مبروك أسأل الله أن يطرح له البركه والرزق في ماله إحلال وانصح بالتعامل معاه
السلام عليكم شريت من الاخ موسئ عدد غنم حريات 85ومعاه مواليد 32وتم التحويل المبلغ له وهذا اول تعامل معاه وتم التوصيل إلى القصيم ومع ذالك جزاه الله خير ارسل لي زيادة راس واحد من غير حساب وصراحه من كلمتهم وانا ارتحت لهم وانصح التعامل معهم لانهم في محل الثقه والله يجزاهم بالخير ووالدهم.
تم التعامل مع الاخ موسى شرينا منه وحولنا له المبلغ ورسل لنا الحلال نعم الرجل تعامل وخدمه وماقصر معنا بشي الله يبارك له بحلاله وماله
شريت منه حريات طيبه خلفات ودفيع وارسلها لي للرياض
شريت مع ابو علي اكثر من مره اول مره جيت وبعده أتعامل معاه بالاتصال ويشهد الله أن حلاله طيب وهو من الناصحين ورجال فيه الخير