رجل صادق خلوق ومحترم معك اول باول شديد الملاحظه فحص موتر لي ونقله وشحنه في غضون 3 ساعات. خدمه سريعه وبالتصوير
انصح الجميع بالتعامل مع ابو محمد ونعم الرجل والاخلاق الطيبه ..
جزاه الله خير يشهد الله سبحانه على كلامي هذا الرجال فحص سيارة كنت ناوي اشتريها و فحصه جدا دقيق و موثق بالفديو و الصور و شرح كامل و وافي بيض الله وجهة
ما شاء الله ممتاز ومضمون وماقصر بشيء ابد لا من فحص او نقل ملكية او شحن جزاك الله الف خير
تم التعامل مع ابو محمد في فحص سيارة وبيض الله وجهه عطاني تفاصيل كاملة عن السيارة والملاحظات اللي فيها بتصوير فيديو و تقرير الفحص
ابيض وجهه يبو محمد شريت من عنده موتر ومثل ماقال ووصف و رجال سمح الله يوفقه
الله يجزاه خير ويبيض وجهه .. رجال متعاون وأمين ومخلص في شغله .. من يوم فحص السيارة إلى يوم شحنها .. ودقيق في الفحص وفي التصوير وفي ذكر أدق التفاصيل وما قصر .. تابع كل اجراءات النقل من اصدار لوحات وغيره من المرور إلى آخر يوم قبل تشحن السيارة وهو يصورها ويتواصل معي .. انصح بالتعامل معه والله يبارك لك في حلاله وكل من يقرأ
بيض الله وجهك بضاعه طيبه من رجال طيب وسمح انصح بالتعامل مع الاخ ابومحمد
تم التعامل مع ابو محمد وبيض الله وجهه ويعطيه العافيه والله يجزاه خير فحص بأمانه ودقة وانصح بالتعامل معه لمن هم خارج المنطقه حتى اللي داخل المنطقة لأنه شخص خبرة يعطيك تفاصيل دقيقه جدا
شكرا لك على جهودك الله يعطيك العافية تم الفحص بدقه وارسال التقارير الازمه حسن الخلق وسهولة التواصل ننصح بالتعامل ووفقك الله
ما قصر خلص لي أوراق سيارة واستلمها منهم وسلمها للسطحة خوينا مع أنهم ثلاث مرات راح لهم والتأخير منهم وما تضايق الله يسعدك شكرا أبو محمد الله يوفقك ويرزقك
شريت من عنده ثلاث سيارات وماشاء الله عليه انسان صادق ومحترم وانصح ب التعامل معه والله يوفقه انشاء الله
رجال كفو وصادق بيض الله وجهه وبارك له فحص وخلص النقل وشحن . أنصح بالتعامل معه
وافي ومتابع واكمل المطلوب وما قصر
السلام عليكم ورحمة الله وبركاته ماشاء الله ما قصر ثقه امانه وفي الموعد وطع شوره اذا كنت خارج المنطقه خذ الكلام بينصحك بالشي الى يشوفه امامه ويعطيك الراي كنت بشتري سياره فحصها وعطاني كل التفاصيل والحمد لله بعد ما شارني الحمد لله ما خسرت الله يبارك له ويرزقه انصح بالتعامل معه 👍
تم التعامل معه إنسان صادق وثقه وفر علي مشاوير السفر وعطاني علوم الموتر من وإلى وانصح بتعامل معه 🌹
الرجل تواصلت معاه على استخلاص ثلاث سيارات من مزاد والرجل كان امين وخلص الموضوع بسرعة قياسية و كان كل ما يصير فيه رسوم اضافية يحاول يخفض فيها والرجال للامانة ما قصر حتى بتوصيل السيارات لشركة الشحن وراح وصلها سيارة سيارة
تم التواصل مع ابو محمد الله يجزاه خير متجاوب وسريع والله يكثر من امثاله انصح بالتعامل معه
الله يباركله انصح اي شخص يتعامل مع ابو محمد محترف ما شاء الله تبارك الرحمن
الله يبيض وجهه تعامل لبق ومحترم وسلعته نظيفه
تعاملت مع ابو محمد رجل عنده ذمه ويخاف الله وعلى الموعد .. يصور السيارة اول باول معك من بداية الفحص وينصحك ويشور عليك الله يبارك له في رزقة بعد فحص السيارة تم صرف النظر عنها والحمد لله انصح بالتعامل معه وفقه الله لكل خير. اخوك أبو ريان 🌹
ونعم الرجل . فحص دقيق جدا بكل الملاحظات انصح فيه وبشده .. الله يوفقه ويخلصلك امور النقل والشحن اذا رغبت
رجل متعاون وناصح ومتجاوب ماقصر الله يجزاه بالخير انجز لي فحص السيارة في اقل من ساعة وذكر ادق التفاصيل الله يرزقه
بيض الله وجهه ونعم الرجل سرعة في الإنجاز وتصوير واضح وفحص دقيق
رجل نصوح ويفحص بادق التفاصيل فحص لي السياره وعلمني باكل شي فيها جزاك الله خير يابو محمد وبيض الله وجهك
رجال خلوق ومحترم وثقه
رجل ذو اخلاق وامانة ودقيق بالفحص وخدوم وسمح انصح بالتعامل معه
عز الله انه كفو ودقيق وريحني من ضربة الخط وفحص كني انا الي فاحص واعطاني تقرير كامل ومفصل ومقاطع وصور
الرجال طلبت منه يفحص لي موتر فالدمام وانا فالرياض عز الله ماقصر فصل لي الموتر تفصيل
بيض الله وجهك ابومحمد مصداقيه وتعامل راقي ودقه في فحص السيارات انصح بشده شخص خبير ر وفهمان الله يزيدك من فضله ويبارك لك في حلالك
بيض الله وجهك يابو محمد على الصدق والامانه
الله يبيض وجه م قصر معي فحص الموتر و عطاني علومه و خلص نقله و شحنه
والله ونعم ابو محمد تعاملت معه التزام بالموعد وفحص بامانه وصدق والصور والفيديو ويبين لك الملاحظات بكل صراحة وبدون مجاملات أو محابات.. الله يعطيه العافية..
كان صادق في تعاملة وشرح ملاحظات السيارة بدقه بالهاتف وعند الانتهاء ارسل تقرير الفحص وكان تقرير مفصل ودقيق. بارك الله في عمله ورزقه.
الله يعطيه العافية انسان ثقة ومحترم وصادق . وفحص لي سيارة وعلمني بكل شي فيها . وانصح بالتعامل معه لمن بخارج الشرقية .
السلام عليكم اخواني المتابعين اخي ابو محمد تشرفت التعامل مع الاخ ابو محمد بشراء سيارة نيسان ارمادا وقام بمقابله الرجال صاحب السيارة علطول وثق لي فديو بكل اجزاء السياره وقام بفحصها كمبيوتر وميداني وكان التعامل ممتاز انسان فيه الخير وذمه والأمانه وصدق ويخدمك كأنه قريبك او سيارته الله يوفقك يا ابو محمد ويوسع لك برزقك الرجال فحص وتم النقل وشحنها لي من الدمام الي الرياض كانه اخ لك معرفه بمدينه الدمام كفيت ووفيت والله يجزاك الجنه والي الامام يا بطل اخوك ابراهيم من الرياض تحياتي وبتوفيق
ونعم الرجل أسأل الله أن يبارك فيه ويرزقه من حيث لا يحتسب. امانه وأخلاق وتعامل.
الحمدلله الذي بنعمته تتم الصالحات من لا يشكر الناس لا يشكر الله تعاملت مع الاخ الغالي ابو محمد بفحص مازدا ولا قصر معي جزاه الله خير وكان عند حسن الظن به وفحص مهني وتقرير وذكر ملاحظات انصح به بشده 🤍
مشالله التعامل راقي جدا يستاهل اعلى تقيم ومصداقيه عاليه انصح بالتعامل مع هذا البائع
بسم الله والصلاة والسلام على رسول الله بعد التعامل مع الأخ أبو محمد فكان نعم الرجل صدقا وخلقا وأمانة ووضوحا وخبرة ومفهومية واجتهادا ولقد كان تعامله وإنجازه للكشف وتخليص أمور السياره أفضل مما توقعت ولا أزكي على الله أحدا فشكرا لك أخي سعيد ولن يكون آخر التعامل معك بمشيئة الله وانصح بشدة بالتعامل معه تحياتي لك 🌹
ونعم الرجل .. حريص ومجتهد .. لي الشرف تعاملت معه
الرجال محترم وخلوق👍
الله يعطيه العافيه ماشاءالله عليه فحص لي سيارتين وماقصر في التفاصيل وفحصه دقيق بالأمانة
رجال خلوق وحبيب وفاهم ما قصر وسعر مناسب ودقيق بالوقت
بارك الله فيك الصدق ماقصرت كفيت و وفيت بيض الله وجهك وبينت لي عيوب الموتر من و الى الله يعطيك العافيه ويرزقك من واسع فضله يارب.
رجال جدا ثقة ويوضح كل شي في السياره الله يسعدك ويجزاه بالخير وياربي لك الحمدالله اشتريت السياره ولو لا الله ثم الاخ ابومحمد ماكن شريت السياره
فحص السيارة 100 والله انه ثقه والله يرزقه من واسع فضله والسعر مناسب.