أشكر أخي عبد الرحمن على تعاونه واهتمامه بفحص السيارة وكشف ما يتعلق بها حتى أدق التفاصيل فجزاه الله خيرا وبارك فيه
من تجربه جربة الرجال يفحص لي سياره لاني من الاحساء وهو بالمجمعه الرجال للامانه علمني ايش بالسياره كامل وارسلي صور السياره وموقع الملاحظات ويكفي انه كفاني المشوار وابيض وجه و تفاوض مع البايع بالسعر
تعامل طيب ورجال فاهم ويخلصك في وقتها (هب ريح)
الله يعطيك الف عافيه اخ عبدالرحمن م قصر معي فحص السياره جربها انتظرني اتفاوض مع صاحبها نقل وطلع الفحص الدوري منتهي ووقف اكمال النقل وانتظرني لين افحص ودور لي سطحه بسعر مناسب وصور لي معلومات السطحه
رجل امين بحكم تعامله معي وينقل لك الصوره بالكامل ومشاكل السياره ومع ان المعرض لم يتعاون معه بشان فحص السياره خارج المعرض لكن اخرج لي تصور عن مشاكلها وجعلني اعيد النظر بالشراء جزاكم الله خيرا
رجال يستاهل كل خير. يعلم الله اني ما اعرفه. وقام بكل شيء وخدمني في سيارة شريتها من المجمعه. فحص الموتر وطلع كل شيء صغير وكبير. وأمين وصادق بكلامه. اي شيء يصوره لك. ويقوم بخدمتك في كل شيء تحتاجه.
تعاملت معه وبيض الله وجهه تعامل راقي وشغل احترافي وانصحكم بالتعامل معه
سلام عليكم تواصلت مع الاخ وما قصر بيض الله وجهه راح السياره وفحصها وقال لي عن جميع التهريبات والاعطال وما قصر الله يعطيه العافيه وانصح بالتعامل معه
السلام عليكم تعاملت مع الاخ عبدالرحمن انسان عسل وثقه وما يقصر وفحص ممتاز يطلع كل صغيره وكبيره الله يعطيه العافية
الله يجزاه خير تواصلت معه وفحص لي الموتر ولا قصر والله بين لي كل صغيره و كبيره واللي بيشوف سياره بالمجمعه لا يتعداه
سلام عليكم شكرا اخوي عبدالرحمن على الفحص الطيب والله يبيض وجهك🤙🏻🤙🏻
رجال ثقه ويشهد الله جتني السياره على الي قالي ف الفحص وافضل دقيق جدا في اصغر التفاصل حدد لي حتى القطع الي تجاري واصلي ف السياره وطلع كلامة صحيح كذالك سرعه في الانجاز في الفحص ونقل الملكيه الله يرزقه
الله يبيض وجه اخوي عبدالرحمن تعامل راقي وفحص دقيق والرجال ماقصر عطاني علوم الموتر ولا احتجت اني اضرب مسافه علشان افحص
الله يجزاه خير ماقصر فحص لي السيارة وطلع مقصوص الغمارة وراعيه ما جاب طاري له بيض الله وجهك
ماشاء الله عليه رجل صادق واتم لي الفحص بسرعه انصح جدا بالتعامل معه
تم التعامل مع الاخ عبدالرحمن فحص سياره كامري 2015 وتم التجاوب 10 دقايق وهو بالموقع وعطاني التفاصيل وعيوب السياره كامل وكان واضح جدا وشكرا للاخ عبدالرحمن
السلام عليكم ورحمة الله وبركاتة تعاملت مع الاخ عبدالرحمن فى فحص سيارة وكان نعم الرجل خلقا وتعاملا وخبرة وتم انهاء كافة الاجراءات من فحص ونقل ملكية وشحنها عن طريق سطحة فاانصح الجميع بالتعامل معه والله الموفق
قمت بتواصل مع الاخ عبدالرحمن . في فحص سياره ونعم الرجل ونعم التعامل رجل منصح . اتمنى له التوفيق .
الله يجزاه خير انسان صادق ويعطيك تفاصيل الموتر من خربات او سمكره او رش الله يبيض وجهه ويكثر من امثاله
الله يجزاه خير رجال ثقه فحص لي جيب وعطاني التفاصيل باالفديو كبيره وصغيره