السلام عليكم انصح بالتعامل مع الاخ نايف .. السلعه حسب ماذكرت بالاعلان وافضل وشخص منصح بالسلعه الله يرزقه اي شخص يبحث عن الجوده والمصداقيه لا يتعدا الاخ نايف حفظه الله 💔💔
يشهد الله اني طالع من بريدة القصيم الصباح لعنده بالقويعيه بالرياض ومسكت خط سفر 400كيلو وصلت لعند المزرعة والرجال عرض علي القهوه والشاهي لكن رفضت بالبدايه وقلت له مستعجل وابي ارجع للقصيم قبل لايجي الليل وقال خلاص ابخلي العامل يطلع لك صيصان الوز واخذت الصيصان وامسك الخط من جديد المهم قطعت 70كيلو وقلت ابصلي الظهر والعصر جمع يوم نزلت الا اتحسس المخابيت الا والبوك ماهو موجود وافتش بالسياره مره مرتين و3 صرت موسوس ودقيت على الرجال ان البوك ممكن طايح عندك بالمزرعه وقام جزاه الله خير يدور هو والعامل وماحصلوا شيء وانا متاكد انه اخر محل نزلت فيه هو المزرعه وارجع لهم واحصل البوك عند بوابة المزرعة
البضاعة كفو والرجال كفو انصح بالتعامل معه وبشدة.......................