الله يرزقني ويرزق غيري

بسم الله الرحمن الرحيم انا اشريت منه سيارة الرجل واضح جدا وسياراتهم نظيفة ولكن الرجال يقولك افحص واتاكد قبل اي شي تجربتي معاهم كانت ممتازة والسيارة الحمدلله جيدة العيب الوحيد هو ان الاسعار مرتفعه شوي واللى يشتري اذا ما يفهم للتصليح والمكانيك ممكن يتورط وانا انصح بشده بالتعامل معاهم

نعم اشتريت اكثر من سياره باعني بخراجه وبعت انا بخراجي ولله الحمد

شخص واضح و صريح و تعامله ممتاز مع الزبائن و يوضح عيوب السياره

تم التعامل مع الااخ ابو فيصل قمه ف الامانه والاخلاق رجل محترم و صادق يعلمك بكل شي يعرفه عن سلعته الله يوفقه كل خير

والله انه كذاببب شريت منه هايلوكس 2016 كان فيها صدمه من قدام الزبده عند الشمعه وشريته منه ورحت فحصته طلعت فيه الدفرنس منتهي والغير خبط الله لايوفقه ياجعله ب الحادث

رجال حقاني ونعم الرجل وفقك الله وعافاك

السلام عليكم ورحمة الله وبركاته أولا رجال صادق ونعم الرجل ابوفيصل رجال يعلمك ب عيوب السياره ويرسل مقطع فيديو وتساب ونعم اثقه ابو فيصل

اسعار مبالغ فيها من عامين ونص تقريبا اخر سياره مازدا 6 مديل 17 نفس الممشا نظيف وكاله با 50 وبموقع حراج هم عارضينها رفرفر يسار وباب وواجهه وحادينها 32 مع التأمين والنقل والفحص توصل 35 ومع القطع وشغل اليد توصل 45 فرق 5 من غير الأرباقات

انا اشتريت منه سوناتا 2016 والسوناتا طالع ايرباقها وصلحتها وماكلفني تصليحها مبلغ كبير والحمد لله توفقت فيها هالكلام له اكثر من سنه وقاعد اشوف تعليقاتكم الاشخاص اللي يسبون ويشتمون ويتحسبون ترا الادمي ماعطاك سياره على الشرط ولااجبرك تشتري وغير هذا كله انا جيته عن طريق الموقع وقالي افحص وساعدني في فحص البودي بجهاز من عند خويه وماقصر بشي وقالي افحص وعلمني ان السيارات مصدرها غالبا مزادات .. عندي خبره فالسيارات ولله الحمد وتوفقت فاختياري دام عندك مجال تفحص وتشاور قبل تشتري فانت المسؤول الاول عن قراراتك لاتحمل شخص يقولك افحص والسياره مهي مشروطه ذنب جهلك فالسيارات او السلعه اللي بتاخذها منه لازم

الله يوفقه ويرزقه من واسع فضله اذكرو الله ياجماعه لا اله الا الله محمد رسول الله

الرجال كفو بالمختصر تعامل جدا بأمانة أنصح بالتعامل معه والله على ما أقول شهيد

شريت من ابو علي سيارة كادينزا 2017 مصدوم الرجال بإذن الله انه امين وصادق في بيعه وتم الفحص والتجربة قبل شراء السيارة والسيارة صلحتها ولها اكثر من شهر معي ماتشتكي من شئ وكان السعر مناسب جدا وانصح بالتعامل معه وكذالك ما قصر معي في التامين والنقل

شريت من ابو فيصل سيارة اوبتيما مصدومه قبل شهر قبل لا اشتريها اخذت الموتر و جربته و فحصت الموتر فحص شخصي بحكم ان المواتر كلها مب مواتر خاصه لابو فيصل هو شاريها مصدومه و يتكسب من وراها يعني اللي يبي يشتري لازم يفحص بحكم ان الموتر مب ملك ابو فيصل و بإستخدامه الخاص سمح بالبيع و بعد البيع كلمته ما قصر معي و بإذن الله بعيد التعامل معه و بشتري منه سيارات ثانيه و اكيد انا بنفسي بفحص الموتر مجرد نصيحة للناس اللي مقيمين تحت الخطأ منكم ما فحصتو الموتر سواء فحص من جهة الصدمه او من جهه آخرى ..

ونعم الرجل ابو فيصل شريت منه سيارة راقي جدا بالتعامل و واضح الرجل بدون لف ودوران ما اقول الا الله يرزقك يا ابو فيصل

السلام عليكم مداخله بسيطه ارضاء الناس غايه لاتدرك .. انا اقسم بالله العظيم شريت من الاخ ابو فيصل سياره اكسبديشن مصدوم وانا اترزق الله اقسم بالله كسبت فيها 30 الف الله يبيض وجهه ويجزاه عني خير الجزاء اخوك مطلق الدوسري ..

اسعدكم الله جميعا مداخله بسيطه جدا واضح من ا سلوب بعض الاخوان حقد دفين على العضو اللهم ارزقني وارزق مني وواضح ان اكثر من شخص يحاولون قطع رزقه عزيزي المشتري انت لست غبي بتفحص السياره وبتجربها قبل الشراء ولا تصدق كل مايقال انا شخص تعاملت معاه وكان رجل فاضل ورجل يخاف الله وبين لي كل شي في الموتر والحمد لله تمت البيعه لفت انتباهي بعض الاشخاص الله يهديهم يختار في التقييم ينصح بالتعامل ويسب في

انا شاري منه. موترين والرجال ثقه وقد كلمته المواتر سليمه واسعاره طيبه جدا الله يرزقنا وياه

اشتريت سياره جيلي من ابو فيصل وقال لي ان عصا الجير ما تعشق للريوس فقط وعندما استلمت السياره وكشفت عليها اتضح ان الجير تالف اتصلت بالاخ ابو فيصل ووالله انه عوضني بنصف قيمه الجير و تجاوب معي بكل احترام هذي تجربتي معاه وشكرا

انا أخذت منه سياره ماليبو 2015 الحمد لله والشكر الموتر نظيف كانت الصدمة واضحة ولَم يكون شي اخر فيها الله يرزقنا وياه