يشهد الله رجل بما تعنيه الكلمة أخلاق تعامل فزعة أسلوب يفحص السيارة كأنها له يفاوض وكأن السيارة بتكتب باسمه في البداية سوى فحص مبدئي بناء على خبرته ذهلت من قوة التفاصيل اللي يملكها ما شاء الله ويكون معك أول بأول وبعدها اخذ السيارة وودها الفحص الإلكتروني وفصفص الموتر فصفصه واعطاني جميع الملاحظات ويعطيك رأيه بناء على اللي شاف بدون مجاملة عشان ما تتاثر في اتخاذ القرار علاوة على ذلك خبرته ما شاء الله في امور نقل الملكية والتأمين وما اليها . الشهادة لله انصح بالتعامل معه للي يبي يشتري وهو متطمن
اقسم بالله الرجال خورافي تراه بذمتي امين يعلمك بكل شي صدق جازلي التعامل معه الصراحة
تجربة جميلة جدا يعطيك كل ماتحتاجة وامين واسعاره طيبة ويعدك من اهلة ويعطيك النصيحة الوافيه
الله يبيض وجهك كفيت ووفيت دققت لي على كل كبيره وصغيره بالموتر ووفرت علي مسافة الطريق والعنوه الله يجزاك خير يالامير
والله العظيم والله على ما أقول شهيد راسلته وكلمته من مدينة برا الرياض ورغم ما أثق كثير راسلته على سيارة واهتم وراح بدري وصور من بداية شاف السيارة وقال تواصل معي وشوف صور وفديوات وشفت كل صغيرة قبل كبيرة ونبهني ( بخبرته الفعلية بالسيارات ) وينصحك بالسعر والمشترى وكل شيء والله ما توقيه الكلمات لأنه انسان مو همه الفلوس بقد الرضا للعميل أخلاق طويل بال صاحب ذمة حتى استلم فلوسه بعد عمله من طيبته وذمته ( رجل ربي يوفقه ويرزقك كل خير ويسعده )
الصراحه رجل امين واخلاق وتعامله راقي جدا وينصحك بالسياره كنها له عزالله ماقصر معاي علمني بادق التفاصيل
ونعم الرجل والله صدق وتعامل واخلاق عاليه جدا الله يوفقه يارب
رجل امين وخلوق ومتميز فحص لي سياره وذكر عيوبها كامله وفوق ذا تفاوض معا صاحب السياره كانه هو الشاري معا ان الشي ذا مو عليه انصح بالتعامل معه رجل خبره وانجاز
عزالله انه ناصح وخبره بالمواتر والفحص ولاهو عجل اللي ياخذ الدراهم وبس ..لاعزلله انه ناصح و(رجل) يستاهل عزالله وكله ولاتوصيه.
رجال ثقه يشهدالله. فحص لي موتر كنت بشتريه وطلع لي اشياء ماكنت متوقعها عسا ربي يسعده ويوفقه وانصح بالتعامل معاه
رجل خبره في مجال السيارات وكشف لي عيوب موتر كنت بشتريه وانا ما كنت ادري فيها ماشاءالله الله يسعده
انسان راقي و صادق والتعامل معه سلس دقيق في المواعيد انصح بالتعامل معه
رجل امين ومحل ثقه ساعدني بالفحص واعطاني تفاصيل كاملة ودقيقة للسيارة عنده الخبره الكافية ما قصر معي وكأن السيارة له الله يكتب اجره 👍🏻
بكل امانه ومصداقيه رجل متمكن ويعرف للسيارات وينصحك بكل صغيره قبل الكبيره ويعطيك كل تفاصيل السياره وكانك انت واقف عليها شخص عنده مصداقيه عاليه وكان السياره له الله يعطيه العافيه و يبيض وجهه